Day 2085: 【日本 好彩有 日本城】

日本 好彩有 日本城

「趁住聖誕節 去舊迎新，
初嚐廁所換光管滋味。」

興奮咁到樓下「日本城」買Sunshine LED 光管，將光猛的洗手間送比自己！
你地又知唔知LED 光管同舊式光管唔一樣，需要換一粒新嘅fuse ？

…第一次
爬上9尺樓高的廁所天花，先發現新買粒fuse 係爛ga。

好啦，落去換啦，拆開個盒check 下fuse 是否OK？好！這次成功了吧！

…第二次
然後，開燈！發現d光黃色嘅 ？WHAT!
咩唔係得白燈嘅咩！

掙扎！不如算啦！而家都work 啦！可能日本城根本無白光呢！到時又要爬上去換多次…

可能自己開始年紀大，而家，居然愛上「老人家」的白光…好不浪漫

落去「日本城」再換光管啦，原來真係有白光ga，不過供應商忘記，沒有配上fuse。
如果係你，你會「小小聲」嗎？

我站在收銀機前面，希望有人比粒fuse 我。
職員話：「你攞左其他光管粒fuse ，下個客人就沒有了。」我知啊…
我一直在等，希望有人話我可以攞粒fuse走…

終於，話事姐姐話「可以！」
我好似收到聖誕禮物咁開心！

…第三次
因為光管電位舊，d膠硬化，一邊換光管，一邊有d膠跌落黎。換完，著唔到，死火喇…
已經禽上禽落好多次，有d想放棄…

…第四次
我num：「膠應該同過電沒有關係。」於是我唔理d膠跌落黎，繼續裝…終於著啦！

呢件事，我深深咁反省🤣：
- 其實係唔係我低b ，所以將換光管講到成就解鎖咁呢？
- 定係如果我小心d 買，睇清楚，可以避免咁麻煩…
- 又或者只不過我做得少，所以有問題係好難避免呢？

我沒有答案，不過…
日本 好彩有 日本城

如果你覺得我低b ，請按 「1」
唔係嘅，請按「2」…
Bye Bye👋